Andijon viloyati MMTB boshlig‘i lavozimidan ozod etildi

17:05 / 24.06.2024 2.30k

Andijon viloyati Maktabgacha va maktab ta’limi boshqarmasi boshlig‘i Karimov Rasuljon Rafiqovich boshqa ishga o‘tayotganligi sababli egallab turgan lavozimidan ozod etildi.

Bu haqda Andijon viloyati Maktabgacha va maktab ta’limi boshqarmasi Axborot xizmati xabar berdi.

Rasuljon Karimov boshqarma boshlig‘i lavozimiga tayinlanishidan avval Prezident ta’lim muassasalari agentligi Andijon viloyati hududiy bo‘lim boshlig‘i lavozimida ham ishlagandi.

Bunga qadar turli yillarda:

Yoshlar ittifoqi Andijon viloyati Kengashi tashkiliy-kadrlar va axborot-taxlil bo‘limi mudiri, Toshkent shahar Kengashi apparati jamoatchilik bilan aloqalar bo‘limi mudiri;
“Trastbank” xususiy aksiyadorlik banki Kreditlash va investision faoliyatni muvofiqlashtirish departamenti, kichik biznesni kreditlash va mikrokreditlash bo‘limi mutaxassisi;
Yoshlar ittifoqi Markaziy Kengashi “Ma’naviy-ma’rifiy ishlar” bo‘lim mudiri, “Harbiy qismlardagi boshlang‘ich tashkilotlar faoliyatini muvofiqlashtirish” bo‘limi bosh mutaxassisi va “Kamalak” bolalar tashkiloti bo‘limi bosh mutaxassisi;
Yoshlar ittifoqi Andijon viloyat Kengashi raisi;
Andijon shahridagi Prezident maktabi direktorining Ma’naviy-ma’rifiy ishlar bo‘yicha o‘rinbosari lavozimlarida faoliyat yuritgan.