Yangi maktab darsliklari mazmunini muhokama qilish taklif qilindi — Qozog‘iston

12:00 / 28.02.2024
2.47k
Qozog‘istonliklar yangi ishlab chiqilgan darsliklarni muhokama qilishga taklif qilindi. Bu haqda Qozog‘iston Xalq ta’limi vazirligining Ta’lim mazmunini ekspertiza qilish Respublika ilmiy-amaliy markazi ma’lum qildi, deb yozadi Tengrinews.kz.
Ma’lum bo‘lishicha, Qozog‘istonda 12-fevraldan boshlab yangi darsliklarning jamoatchilik muhokamasi o‘tkazilmoqda. Muhokama jarayonida qozog‘istonliklar darsliklarning mazmuni, tuzilishi, uslubiy yondashuvlari, taqdimot tili va dizayni bo‘yicha fikr bildirishlari mumkinligi aytilgan.
“Ommaviy muhokamada ilmiy-pedagogik jamoatchilik vakillari, metodistlar, olimlar, shuningdek, darsliklar sifatiga befarq boʻlmagan qozogʻistonliklar ishtirok etish imkoniyatiga ega”, — deyiladi xabarda.
Buning uchun qozog‘istonliklar maxsus veb-portaldan ro‘yxatdan o‘tishi, darsliklar maketlari bilan tanishishi va “sharh qo‘shish” bo‘limida o‘z izohlarini, taklif va fikrlarini yozishi va yuborishi kerak.
Eslatib o‘tamiz, so‘nggi yillarda O‘zbekistonda ham yangi avlod darsliklari yaratilmoqda. 2022-yil 29-dekabrda O‘zbekiston Respublikasi Prezidenti yangi avlod darsliklari bilan tanishuv jarayonida xalqaro tajriba sinovi darslari bilan tanishgandi.
29-dekabrdagi uchrashuvda Shavkat Mirziyoyev 2023-yil 1-yanvardan boshlab 14 ta hududda yangi darsliklarni tajriba asosida o‘qitilishini aytgandi. Keyinroq ilg‘or xorijiy tajribalar asosida boshlang‘ich sinflar uchun 775 nomda yaratilgan yangi avlod darslik majmualari 72 mln nusxada chop etilgandi.
Izohlar 0
Izoh qoldirish uchun ro'yxatdan o'ting!
Yangiliklar

20:13 / 27.10.2024
Maktablarda 4-noyabrdan kuzgi ta’til boshlanadi

17:35 / 22.10.2024
Vazir Hilola Umarova maktablardagi hujjatlar raqamlashtirilsa, qancha mablag‘ tejalishini aytdi

13:39 / 21.10.2024
“Dekret”dan erta qaytgan pedagoglarning malaka toifasi muddatini uzaytirish imkoni yaratildi

22:02 / 19.10.2024
Maktabgacha ta’lim sifatini baholash natijalari e’lon qilindi
Mavzuga doir yangiliklar

Qozog‘istonda 450 nafar o‘quvchi ommaviy zaharlandi
Barcha maktab oshxonalarida sanitariya-epidemiologiya talablariga rioya etilishi nazorat qilinadi
14:30 / 09.09.2024

Boshlang‘ich sinf o‘quvchilari uchun darsliklar vazni 300 grammdan oshmasligi kerak
Bu haqda umumiy texnik reglament tasdiqlangan
17:11 / 09.08.2024

O‘quvchi maktab darsligini yo‘qotib qo‘ysa, yetkazilgan zarar qanday qoplanadi?
O‘quvchining ota-onasi zararni xuddi shunday darslik yoki o‘quv-metodik qo‘llanmalar bilan qoplaydi.
11:30 / 26.04.2024

O‘quvchilarga dars vaqtida telefondan foydalanishiga qonuniy taqiq qo‘yildi — Qozog‘iston
Bu ota-onalar va oʻqituvchilarning ariza va shikoyatlari natijasida koʻrilgan chora sifatida amaliyotga kiritilgan.
20:00 / 28.02.2024
Izohingizni tahrirlang