Farzandini maktabga jo‘natmagan ota 10 sutkaga qamaldi

10:30 / 19.05.2024 3.05k

Farg‘ona viloyatida farzandini maktabga jo‘natmagan ota 10 sutkaga qamaldi. Bu haqda Farg‘ona viloyati Milliy gvardiya boshqarmasining axborot xizmati xabar berdi.

Farg‘ona viloyati Milliy gvardiya boshqarmasi axborot xizmatining ma’lum qilishicha, viloyatning O‘zbekiston tumani Qumbosdi qishlog‘ida yashovchi 1981-yilda tug‘ilgan shaxs farzandining tumandagi 45-maktabga borishiga to‘sqinlik qilib kelgan.

O‘quvchini ta’limga qaytarish va profilaktik tushuntirish ishlari olib borish maqsadida O‘zbekiston tumani inspektor-psixologi, katta leytenant D.Araqulov bolaning ota-onasini chaqirtirgan.

Ammo ota o‘zini nosamimiy tutib, jamiyatda yurish-turish qoidalariga zid xatti-harakatlar sodir etgan. Ota farzandini ta’limga qaytmasligini, hech kim hech narsa qila olmasligini ta’kidlagan. Shuningdek, u Milliy gvardiya harbiy xizmatchisining qonuniy talablarini bajarmagan.

“2024-yilda to‘plangan ish hujjatlari O‘zbekiston tumani sudi tomonidan ko‘rib chiqilib, ushbu fuqaro Ma’muriy javobgarlik to‘g‘risidagi kodeksning 18- (mayda bezorilik) va 194 - (Ichki ishlar organlari xodimining qonuniy talablarini bajarmaslik) moddalarida ko‘rsatilgan huquqbuzarlik sodir etgan deb topilib, unga nisbatan 10 sutkaga qamoq jazosi tayinlandi”, deyiladi xabarda.
Maʼlumot uchun, “Xavfsiz maktab” konsepsiyasini keng joriy etish, “Oila-mahalla-maktab” uzviy tizimi asosida voyaga yetmaganlar bilan manzilli ishlashni yo‘lga qo‘yish maqsadida 2024-yil 26-fevralda Maktabgacha va maktab taʼlimi vazirligi hamda Milliy gvardiya o‘rtasida 4-k/k va 5-k/k sonli qo‘shma qaror imzolangan.

Mazkur qo‘shma qaror bilan tasdiqlangan konsepsiyaga muvofiq endilikda maktablardagi davomat Milliy gvardiya bilan hamkorlikda yuritilmoqda.

Izohlar 0

Ko'proq ko'rish

Izoh qoldirish uchun ro'yxatdan o'ting!

Maqola muallifi

Xalq ta'limi Info

Tahririyat

Teglar

Davomat
Javobgarlik
Milliy gvardiya

Ulashish

Ijtimoiy tarmoqlar

Telegram You Tube Facebook Twitter

Yangiliklar

Barchasi

20:13 / 27.10.2024

Maktablarda 4-noyabrdan kuzgi ta’til boshlanadi

17:35 / 22.10.2024

Vazir Hilola Umarova maktablardagi hujjatlar raqamlashtirilsa, qancha mablag‘ tejalishini aytdi

13:39 / 21.10.2024

“Dekret”dan erta qaytgan pedagoglarning malaka toifasi muddatini uzaytirish imkoni yaratildi

22:02 / 19.10.2024

Maktabgacha ta’lim sifatini baholash natijalari e’lon qilindi

Mavzuga doir yangiliklar

Maqola

Hayvonot bog‘lari qanday tashkil etilgan va ular nima uchun kerak?

Odamlar hayvonlar huquqlari uchun kurashayotgan bir davrda hayvonot bog‘larining ishlab turishi bahslarga sabab bo‘lyapti. Kimdir uni noyob turlar saqlab qolinadigan joy, deb bilsa, boshqalar shafqatsizlikda ayblaydi. “Gazeta.uz” xuddi shu masalada Moskva hayvonot bog‘i xodimlari bilan suhbatlashgan edi.

09:31 / 30.10.2024