Vazirning birinchi o‘rinbosari Usmon Sharifxodjayevga davlat mukofoti berildi

16:53 / 24.08.2024 2.23k

O‘zbekiston Respublikasi Prezidentining tegishli Farmoniga ko‘ra, Mustaqilligimizning o‘ttiz uch yilligi munosabati bilan Maktabgacha va maktab ta’limi vazirining birinchi o‘rinbosari Usmon Sharifxodjayev “Sodiq xizmatlari uchun” medali bilan taqdirlandi.

Shuningdek, davlat mukofoti bilan taqdirlanganlar orasida bir qancha pedagog va tarbiyachilar ham mavjud:

“Mehnat shuhrati” ordeni bilan — Aloxon Abdualimov — Namangan viloyati, Davlatobod tumanidagi 81-umumiy o‘rta ta’lim maktabining tarix fani o‘qituvchisi;

“Do‘stlik” ordeni bilan — Marg‘uba Gulamova —Toshkent shahridagi 77-ixtisoslashtirilgan ko‘zi ojizlar maktab-internatining ona tili va adabiyot fani o‘qituvchisi,

“Do‘stlik” ordeni bilan — Liliya Tovstenko — Buxoro shahridagi 21-umumiy o‘rta ta’lim maktabining rus tili va adabiyoti fani o‘qituvchisi

II darajali “Sog‘lom avlod uchun” ordeni bilan — Zulfiya Kuziyeva — Sirdaryo viloyati, Sayxunobod tumanidagi 3-umumiy o‘rta ta’lim maktabining matematika fani o‘qituvchisi,

II darajali “Sog‘lom avlod uchun” ordeni bilan — Donaxon Maxkamova — Farg‘ona viloyati, Furqat tumanidagi 2-maktabgacha ta’lim tashkiloti tarbiyachisi.