TA’LIM TIZIMINI TAKOMILLASHTIRISHDA ILG‘OR XALQARO TAJRIBALAR



Yakshanba kuni O‘zbekistonda parlament saylovlari bo‘lib o‘tadi. Saylov ilk bor aralash tizim asosida o‘tkaziladi. Bu qanday tizim? Deputatlikka nomzodlar va partiyalar haqida qayerdan ma’lumot olish mumkin? Deputatni tanlashda nimalarga e’tibor berish kerak? “Gazeta.uz” asosiy savollarga javob beradi.

O‘zbekistonda 27-oktabr kuni Oliy Majlis Qonunchilik palatasi hamda xalq deputatlari viloyat, shahar va tuman kengashlariga deputatlar saylovi bo‘lib o‘tadi. Bu, 2021-yilgi prezident saylovi, shuningdek, 2023-yili bo‘lib o‘tgan Konstitutsiya masalasidagi referendum hamda muddatidan avvalgi prezident saylovidan so‘ng, so‘nggi to‘rt yilda yuz berayotgan to‘rtinchi yirik siyosiy voqeadir. Saylovlar birinchi marta yangi saylov tizimi asosida o‘tkaziladi. “Gazeta.uz” joriy saylovlar bo‘yicha yo‘riqnomani e’tiboringizga havola qiladi.

Parlament, kengash degani nima va ularning nima keragi bor?

O‘zbekiston parlamenti yoki, boshqacha aytganda, Oliy Majlis — mamlakatdagi oliy davlat vakillik organidir. Parlamentning asosiy vazifalaridan biri — mamlakat va fuqarolar hayotini tartibga soluvchi qonunlarni ishlab chiqish, muhokama qilish va qabul qilishdir.